அனைத்து வகைக் கடன்களுக்கான வட்டி ரத்து!.. மத்திய அரசு மனு தாக்கல்!…

கொரோனா வைரஸ் தொற்றுநோய் காரணமாக வழங்கப்பட்ட ஆறு மாத கால இஎம்ஐ தடைக்காலத்தில் ரூ 2 கோடி வரை கடன்களுக்கான கூட்டு வட்டியை தள்ளுபடி செய்ய அரசு ஒப்புக் கொண்டுள்ளது என்று மத்திய அரசு உச்ச நீதிமன்றத்தில் தாக்கல் செய்த பிரமாணப் பத்திரத்தில் தெரிவித்துள்ளது.

தடைக்காலத்திற்கான கடன் மதிப்பீட்டு தரமதிப்பீடுகளுக்கு ஏற்ப நிறுவனங்களுக்கு நிவாரணம் வழங்க முடியுமா என்பது குறித்து செபியுடன் ஆலோசிப்பதாகவும் மத்திய அரசு தெரிவித்துள்ளது.

எம்.எஸ்.எம்.இ.க்கள், கல்வி, வீட்டுவசதி, நுகர்வோர் பொருட்கள் மற்றும் வாகன கடன்கள் மற்றும் கிரெடிட் கார்டு நிலுவைகளுக்கும் வட்டி தள்ளுபடி பொருந்தும் என மத்திய அரசு தெரிவித்துள்ளது.

மத்திய அரசு தனது பிரணாப் பத்திரத்தில் தொற்றுநோய் சமயத்தில், வட்டி தள்ளுபடி மூலம் ஏற்படும் சுமையை அரசாங்கம் சுமப்பதே ஒரே தீர்வு என்று தெரிவித்துள்ளது. இந்த நடவடிக்கையை செயல்படுத்த மானியங்களுக்கான மையம் பாராளுமன்றத்தின் அனுமதியையும் பெறும் என்று அது கூறியுள்ளது.

வட்டிக்கு வட்டி போடுவதா?. கேட்டால் ஒளிந்து கொள்வதா?.. விளாசிய நீதிமன்றம்!…

அரசாங்கத்தால் குறிப்பிடப்பட்ட வகைகளுக்கு, கடன் வாங்குபவர் இஎம்ஐ தடைக்காலத்தைப் பயன்படுத்தினாரா என்பதைப் பொருட்படுத்தாமல் 2 கோடிக்கு மிகாமல் கடன் பெற்ற அனைவருக்கும் கடன் மீதான வட்டி தள்ளுபடி செய்யப்படும்.

இதற்கிடையில், கடன்களுக்கான வட்டி தள்ளுபடி செய்வது வங்கிகளுக்கு 6 லட்சம் கோடி டாலர் சுமையை ஏற்படுத்தும் என்று நிதி அமைச்சகம் தெரிவித்துள்ளது. மத்திய அரசு பிரமாணப் பத்திரம் தாக்கல் செய்துள்ள நிலையில் வழக்கு மீண்டும் திங்கள்கிழமை விசாரணைக்கு வர உள்ளது குறிப்பிடத்தக்கது.

இந்நிலையில் நாட்டின் பல பகுதிகளிலும் கட்டுப்பாடுகள் நீடிக்கப்படுவதாலும், இன்னும் பல துறைகள் முழுமையாக செயல்பட ஆரம்பிக்காததாலும், இஎம்ஐ தடைக்காலத்தை நீட்டிக்க வேண்டும் என மக்கள் எதிர்பார்க்கின்றனர்.